有家庭負擔！亞姐冠軍羅思雅靠網上平台頂住

應屆亞姐香港賽區冠軍羅思雅（Caca）穿上性感吊帶裙出席首映禮，但就露出少少胸墊要急急伸手整埋。講到亞視裁員一事，Caca表示她的活動如常進行，亦有如常出糧，未受影響。至於她以香港賽區冠軍出戰的「亞姐全球總決賽」，她指暫時仍未收到確實日子及地點。

可有向亞視方面了解裁員消息及可有安撫員工？她表示：「冇特別講，我亦冇特別去問。（係咪冇家庭負擔？）有㗎，但我有網上平台，所以都有收入，暫時都OK，可以畀到家用亦夠自己生活費。」講到仍要出戰，是否長期都要Keep住最佳狀態？她笑言：「真係都有壓力，因為本身都好鍾意食嘢，要忍口同努力做運動囉。」