哥哥結婚 麥皓兒接花球被催婚

2019年12月04日 02:11
東網電視
更多新聞短片
幾時有好消息?
藝人麥皓兒(Joey)向來密實,佢哥哥結婚,身為妹妹嘅佢當然盛裝出席,佢喺社交網大晒婚禮靚相,相中見佢罕有性感上陣,勁騷事業線,相當養眼。當中除咗見佢孖住男友丘梓謙(Ivan)現身外,另一亮點就係佢接得花球,即獲一眾網民「催婚」!
Joey接受東網訪問,佢指自小與哥哥感情要好,笑言曾被誤會是戀人:「我哋兩兄妹感情好好,而且細個唔太似樣,所以一齊出街嗰陣,大家成日當咗佢係我男朋友。依家見到佢搵到另一半,真係好替佢開心。」
至於提到成功接花球,佢就表示:「哥哥話係佢特登拋畀我!(屋企人都想下個到你?)咁接花球又唔代表要即刻出嫁嘅,不過呢個係一份好好嘅祝福,亦係一個好兆頭,我當然接受啦,況且我一向鍾意收花,今次收花球就更加特別。(咁同男友有冇結婚打算?)我哋不知不覺拍咗拖6年,一直以嚟相處得好好,互相體諒、扶持,但暫時大家都有個共識,想專注事業方面先。」