再度做新人!莊正最興奮去頒獎禮

2019年12月04日 03:14
東網電視
更多新聞短片
莊正2014年曾以組合出道,現在以單飛新人出道。
2014年以組合VnP曾出道過一次嘅莊正(Lester),今年再以「新人」身份再戰樂壇,由同門師兄陳柏宇、林奕匡、師姐林二汶、葉巧琳、黃妍等做幕後軍師教路。Lester話今年參加到頒獎典禮心情好興奮︰「以前都係睇電視,覺得去到係一個目標,依家終於可以親身有機會去,完全冇諗過!(有信心攞新人獎?)冇乜,哈哈﹗都係隨緣,音樂唔係為獎,亦唔需要分勝敗,識到大家就好開心。」又指歌手身份最大得着係可以透過歌曲見多咗好多人、識咗好多人︰「以前嘅自己比較內向,冇咁多街去,依家多咗地方去,好彩好多人都會好好,以前會覺得呢個圈啲人係咪好亂㗎?但原來唔係喎,啲人好Nice。」
另一新人Nancy Leung(呀嬋),出道前都係拎住支結他周圍去唔同Cafe表演,機緣巧合之下就踏入樂壇︰「平時都係寫國語歌為主,因為由細到大都係聽國語歌,嚟緊會試寫廣東歌,挑戰吓。(最想同邊位歌手合作?)最想同林二汶,好欣賞佢嘅創作,如果同到佢合作會係我嘅榮幸。」
場地︰The Stadium 觀塘店、The Wave 觀塘