土耳其充電　陳俞希讚當地人好Nice

早前在ViuTV劇集《假設性無罪》演出獲讚的藝人陳俞希（Hailey），最近到土耳其旅遊充電，原來她一直很喜歡這個國家，而此行到了棉花堡打卡：「仲有去咗好多地方，大部分都係大自然美景，見到風化嘅岩石真係覺得自己好渺小！」

而最令她印象深刻的是土耳其人親切好客，會主動問她香港近況：「傾到咁上下仲話可以安排地方畀我哋住，甚至邀請去佢哋屋企作客，簡直就好似我以前拍嘅節目《借宿一宵》嘅土耳其版咁！佢家人仲煮咗成枱餸請我哋食，真係好Nice！」