半裸出浴露背誘網民　王卓淇加碼晒正面

前港姐亞軍王卓淇集長腿、纖腰於一身，而佢亦毫不吝嗇美好身材，不時喺社交網「派軍糧」冧粉絲，最近佢就上載一張浸住泡泡浴嘅出浴照，仲半裸上陣，大晒白滑玉背，加埋側身微微回眸，認真煞食！不過有唔少粉絲就直呼唔夠喉，紛紛留言「求正面」！

而王卓淇有求必應「加碼」晒出正面浸浴片，雖然佢被泡泡包圍，性感程度未及之前，但就勝在可愛搭夠，佢更不停玩泡泡，笑指：「超喜歡聽泡泡的聲音，好治愈喔，想用泡泡弄個貓耳朵。」