【上月行禮】司儀爆料 林志玲極速有喜?

2019年12月04日 11:59
東網電視
更多新聞短片
咁快手?
台灣第一名模林志玲11月17日與日本天團EXILE成員AKIRA舉行婚禮後,原定於12月1日舉行慈善義賣活動,但因好友高以翔猝逝,林志玲決定將活動延後,而佢尋日就出席上海一個時尚活動。
一直被關注有冇懷孕嘅志玲,於婚禮當日講到造人大計時,曾揚言:「我們會努力。」估唔到唔夠一個月就有喜訊?喺活動上,司儀王耀慶介紹林志玲時,竟然唔小心爆料:「這是志玲姐姐婚後第一次參加時尚活動,同時也是產前最後…」知道講錯嘢嘅佢即時話「沒有沒有沒有…」、「不是不是,Sorry…」,最後以祝福林志玲帶過話題。
而台下嘅志玲聽到王耀慶說話後,一面驚訝掩嘴微笑,又掩臉O嘴!唔少網友好奇林志玲係真懷孕,定只係節目效果呢?