《阿拉丁》全球狂收10億美元　男主角自爆仍冇工開

迪士尼經典動畫真人版電影《阿拉丁》（Aladdin）今年暑假上映全球狂收10.5億美元票房，帶挈男女主角「阿拉丁」Mena Massoud與「茉莉公主」娜奧美史葛（Naomi Scott）走紅。不過Mena近日受訪時就自爆冇嘢撈：「連一次試鏡機會都冇！」

他說：「我要為此保持沉默而有啲厭倦，我希望佢哋知道，拍如《阿拉丁》呢類電影，得到嘅唔係只有蒲公英同玫瑰，唔係人哋咁諗：『佢肯定賺咗好多錢，從此亦能獲好多角色。』事實唔係咁。《阿拉丁》上映後到依家，我冇工開甚至連一次試鏡都冇。套戲票房過咗10億，我能至少得到一次試鏡嗎？我唔係指望可以馬上畀我去演蝙蝠俠，但我能至少入間房（獲試鏡機會）嗎？你可唔可以畀一次機會我？」