勁歌金曲頒獎禮暫定1.18公布結果

2019年12月04日 15:35
東網電視
更多新聞短片
勁歌金曲頒獎禮將於明年舉辦。
受社會氣氛影響下,一年一度的樂壇頒獎禮,繼「十大中文金曲」、「新城勁爆」及「叱咤樂壇頒獎禮」先後宣布取消實體頒獎禮,以另一形式頒獎給得獎歌手後,現餘下只有無綫「勁歌金曲頒獎禮」暫時如期舉行。據知唱片公司已收到「勁歌」發出的邀請電郵,指頒獎禮暫定於明年1月18日舉行,但由於社會狀況隨時出現變數,據知唱片公司在目前未知出席歌手檔期。
過往多年在「勁歌」頒獎禮狂掃獎的星夢娛樂唱片公司,旗下歌手有吳若希、菊梓喬、鄭俊弘、譚嘉儀,林穎彤及戴祖兒等,唱片公司老闆何哲圖接受東網訪問時,被問到屆時哪位歌手會出席「勁歌」頒獎禮?他說:「頒獎禮暫定會喺明年1月18日播出公布得獎結果,但因為歌手及歌曲嘅投票及民調未開始,所以要等有結果時先再度歌手嘅檔期,(可想勁歌頒獎禮如期舉行?)雖然社會氣氛唔係咁穩定,但都希望有一個頒獎禮,畀歌手同歌迷都可以有個活動,過個開心嘅晚上。」
另外,被指是「叱咤樂壇頒獎禮」生力軍獎大熱人選的獨立歌手林家謙,大有機會上「叱咤」台攞獎,但現頒獎禮取消可會特別失望,他在電話中表示:「我會覺得有小小可惜嘅,不過頒獎禮都係轉咗個形式啫,所以我都會引用返自己首歌嘅歌名《Just Carry On》,我會繼續為自己明年嘅一啲音樂計劃繼續努力。
而英皇歌手對於「叱咤」取消實體頒獎禮,英皇唱片回應:「明白大會嘅考慮、尊重大會嘅決定,期待新形式嘅頒獎禮,歌手們依然會繼續做好音樂。」