林雅詩時裝店生意唔見七位數：未諗住頂手

藝人林雅詩（Grace）及經理人馬天樂到九龍灣汽車美容廣告，Grace表示剛從英國回來，傾談有關代理升學的工作，講到最近的社會氣氛令市道變差，工作也少了很多，Grace透露其時裝店生意一落千丈，損失接近七位數，但仍希望跟員工共同進退，繼續捱落去：「有兩間實體店，一間喺上水，一間喺筲箕灣，未諗住頂手，都想堅持住。」至於演藝工作亦已減了七成：「以前一個月十幾廿單，依家得番兩、三單，仲有好多人壓價。（仲有冇返內地拍網劇？）都少咗喇！好多都唔想用香港人，有啲一早傾好咗嘅都暫停，惟有一齊加油！（咁買畀仔仔份聖誕禮物要唔要縮皮？）咁又唔會，惟有大小工作都接。」

講到開始升學代理工作，問她會否幫14歲兒子出國留學？她表示會尊重兒子意願：「我冇咩所謂，我以前都喺英國讀過書，所以都有可能。（呢個時候有冇諗移民？）我始終鍾意香港。」