周柏豪喜獲愛女　陳煒讚有潛質做好爸爸

歌手周柏豪剛剛榮升父親，B女已出世，頭髮烏黑似爸爸，而跟他於現時熱播的無綫劇集《多功能老婆》中合作的陳煒謂：「恭喜晒佢啦！拍劇嘅時候，柏豪同飾演千嬅兒子嘅佳佳都好玩得埋，佢係絕對有潛質做好爸爸嘅，佢一定係恨咗好耐，戥佢開心，生咗個BB出嚟好似佢咁靚。」

而同劇嘅黃浩然就大呼「好驚喜」：「《多功能老婆》全劇人員都戥佢開心，恭喜柏豪，祝小朋友健康快樂成長。」