陳柏宇聞周柏豪做老竇即「嬲豬」

陳柏宇今出席活動，被問到叱咤頒獎禮取消，對於打入了「我最喜愛的男歌手」最後五強的他，直言有點不知所措：「原本都無乜點諗，之前有兩個（頒獎禮）取消，都諗住仲有一個，依家都無埋，都唔知畀咩反應，咁多年都未試過，都尊重大會決定，有無獎攞都好閒啫。」

對於周柏豪做老竇，陳柏宇即扮「嬲嬲豬」表示：「恭喜晒，都係依家先知，噚日仲同佢有訊息聯絡，佢都無提到，原來我哋唔係咁Friend。（會唔會因為咁，唔教佢點湊女？）咁又唔會，我咁鐘意做父母，喺街度有途人問我都會答，依家最緊要係頭幾個月，個女一瞓，佢就好瞓喇！（會唔會去探吓佢個女？）有機會都會，不過依家行動力好低。」