做咗小三點算好？謝㺭圻話最緊要...

情難自禁，做咗小三點算好？謝㺭圻幫你《拆彈》，為你解決感情問題！

網友Doris Ng話：「我係小三，同大自己十幾年嘅有婦之夫拍咗兩年，初頭佢話同老婆有問題，叫我等佢離婚，點知等到正印有埋BB，咁我點算？但我好愛佢，唔想走！」

謝㺭圻話：「雖然我都知道感情上好難係控制，可惜對方係有婦之夫，再加上佢太太已經有小朋友，我覺得真係應該要放手，有時愛情唔係一定要擁有，放手可能個天空仲廣闊。如果真係好難放低，只好默默另一度留意對方嘅動向，唔好騷擾人哋嘅家庭，再唔係就學多啲興趣，識多啲新朋友。」佢續指：「我以前自己都試過拍拖，最後分手，雖然嗰時係真係覺得好痛，但時間過咗，係可以overcome呢樣嘢，去做多啲自己鍾意做嘅嘢，學多啲新嘅興趣，消磨時間可以減淡呢樣嘢嘅記憶。」