UNINE殺去MAMA　姚明明紅頭搶鏡

內地小鮮肉姚明明領軍偶像男團UNINE，喺日本參加韓國年度音樂盛事《MAMA音樂頒獎禮》，而UNINE仲係唯一一隊中國偶像團體參加呢個盛事。向來舞蹈了得嘅明明，喺其主打歌《Set It Up》中，展現超強嘅舞蹈實力同個人魅力，令全場氣氛高漲，更令受到唔少海外粉絲追捧。

當中紅頭髮嘅明明成為海外觀眾尋找嘅焦點，網上更出現「請告知UNINE成員中紅頭髮是哪一位」洗版式嘅貼文，而佢仲登上咗今日Twitter趨勢世界榜第2名、馬來西亞榜第2名等，足見佢嘅潛力不容忽視。