陳凱詠貪玩樣樣啱

環球新人陳凱詠（Jace）唱歌、拍戲、主持樣樣都得，問到最喜歡哪樣？她笑言：「我貪玩，樣樣嘢都值得學習同鍾意，但唱歌係由細到大最鍾意、最想做，嗰種快樂係好自然，當你喺台上唱歌表演時原來自己係會咁開心，呢個咁簡單、咁純粹嘅快樂就話我聽原來我最喜歡係唱歌。當然都鍾意做其他嘢，之前都有拍戲，同有拍ViuTV嘅劇集，係一個互補，喺演戲度感受到點將情緒發放出嚟，而音樂節奏就可以擺喺演戲，希望可以做到全面嘅performer，喺一個表演入面集齊演戲、跳舞、visual設計同音樂部分，將各樣喜好擺埋一齊，做一個好完整嘅表演。」