睇錯日子去表演　吳林峰唔摺埋想搵佢合作

創作新人吳林峰，今年圓夢推出派台歌成為真正「歌手」，他很珍惜每一個表演時刻，並因而不再「摺埋」︰「每個作品都想參與，多咗同音樂朋友傾，以前好多時唔識表達，依家唔明就講到明，好肯去提出意見。」他希望多學習音樂會後製，在編曲上付出更多︰「想同其他歌手合作，睇吓可以擦出咩特別火花。（最想同邊個合作？）陳奕迅，因為佢係我偶像！」

當新人這一年，他作出了不少新嘗試，當中亦有蝦碌事！原來他試過提早了一日到表演場地︰「好少被邀請去大型音樂會，明明Mark咗日子，但都可以睇錯，企咗一陣都唔知發生咩事，後來先知搞錯咗，真係緊張得滯！」