猛男有少女心 唐詩詠張曦雯爆伍允龍癖好

20191205
東網電視
更多新聞短片
真係估你唔到!
演員拍劇成日都要對住幾個月,好容易就會變成好朋友,呢日張曦雯就喺社交網Po出同唐詩詠及伍允龍飯敍嘅相,近日氣溫急降天文台發出咗寒冷天氣警告,不過兩位女士一啲都唔驚,仲一齊食雪糕做甜品,真係睇見都覺得寒,而伍允龍貫徹佢Man爆形象攞住杯威士忌慢慢歎!
出晒名打得嘅伍允龍外形硬朗,但係猛男都可以有一顆少女心,唐詩詠喺社交網晒出一張三人抱住「囝囝囡囡」嘅相,張曦雯抱住狗狗,唐詩詠就抱住愛貓,而伍允龍就揸住隻可愛到爆嘅松鼠公仔,功夫猛男配松鼠公仔呢個反差夠晒大,從佢自然嘅眼神加埋豎起手指公,相信伍允龍都係真心好鍾意隻公仔。