正日要開工！陳國峰獲老婆預祝生日冧爆

藝人陳國峰2016年迎娶圈外女友黃思雅（Wing），婚後誕下一子陳梓燐（Regan），生活幸福。為咗畀老婆同個仔一個安穩嘅屋企，陳國峰努力工作，連即將到來嘅37歲生日都要喺工作中度過。不過唔緊要，最緊要有個好太太！Wing深知老公辛苦，特意為佢提前慶祝生日，仲搵咗間好浪漫嘅餐廳一家三口食餐溫暖生日飯，陳國峰喺社交網放閃，表示：「因為正日要開工，所以老婆同仔仔預早同我慶祝生日，我愛你哋。」