網友望穿秋水！趙麗穎終於再晒自拍

內地女星趙麗穎去年10月與馮紹峰結婚後，今年三月為老公誕下一子，並於八月正式復工。佢尋日喺社交網上載兩張自拍，見佢戴上牛仔漁夫帽、銀框眼鏡，眼大大十分有神，嬌俏可愛。好多網民都大讚佢依然少女味十足，絲毫唔似做咗人阿媽，有粉絲更計出趙麗穎時隔87日終於晒出近照，真係等到大家望穿秋水呀！