許芷熒大肚寫真留倩影　擔心B女離開自己

前港姐許芷熒（Whitney）今年9月同生意男友Alexander Fung拉埋天窗，婚後不久宣布有喜，而於上月31歲生日公布佗B女。現時懷孕7個多月嘅Whitney，喺社交網晒出大肚寫真，相中佢着上吊帶喱士Bra兼短褲，上圍明顯big爆，其老公低頭錫巨肚，而Whitney臉上流露出幸福笑容。

Whitney並留言指未結婚前擔心佗B會影響身形，但懷孕後只在意肚中BB嘅健康，更笑稱已開始擔心囡囡長大後會離開自己：「現在我已經擔心女兒將來會否嫁到外地，很少機會見面； 現在已經擔心女兒青春期的反叛期，養兒一百歲.長憂九十九，有了自己的小孩之後才明白這句說話的意思。」