麥長青被考定力　金剛叫團友熱情啲

由藝人麥長青（麥包）與金剛主持的ViuTV節目《C9旅行團》快將播出，麥包首度擔任領隊聯同「台灣地膽」金剛帶領一班團友走訪台灣。出發當日，攝製隊為考驗麥包的應變能力，特意安排一位團友錯過集合時間，麥包初時有點不知所措，但定過神後便安排女助手與該團友乘搭下一班機。

至於金剛繼續以「唔鹹唔淡」的廣東話放笑彈，他又呼籲團友要：「『放啲！熱情啲！』但唔好熱情過頭，驚你哋太興奮會除衫，我哋會驚嘅！」而金剛在旅遊車上又應大家要求唱《相逢何必曾相識》，氹得一眾團友開心大笑。