終於出擊！48歲胡蓓蔚豹紋比堅尼硬撼姊妹

「胡說八道會」其中五人胡杏兒、胡定欣、胡蓓蔚、李施嬅及姚子羚嘅馬爾代夫Trip終於圓滿結束，連日嚟佢哋都不斷晒水着相鬥性感，當中最大年紀嘅胡蓓蔚就未有公開獨照略嫌落後，不過正所謂好戲在後頭，佢終於喺社交網上載終極性感泳照！

佢着上豹紋比堅尼瞓喺沙灘擺甫士影相，大晒事業線及長腿，唔講唔知都原來佢已經48歲，果然係豹嫂呀！佢留言：「就未去臨走前再曬一下，打個底，希望可以keep到出年夏天☀️」唔少人妻包括王君馨、陳凱琳、車婉婉都大讚索呀！