《拾芳》獅城奪香港最佳電影　高志森感榮幸

導演高志森與梁柏豪聯合導演的電影《朝花夕拾．芳華絕代－拾芳》又攞獎，昨晚在新加坡獲Best Feature Film Hong Kong香港最佳劇情片獎項，梁柏豪代表前往出席領取證書，這個獎項成為《拾芳》第三個獲得的國際性電影獎項。

高志森回覆東網時開心表示：「好榮幸，因為呢部電影已經係第三次攞獎，之前『中美電影節』同『第７屆溫哥華華語電影節』都係拎最佳導演，今次亞洲唔同地方都選一部最佳電影，呢部攞香港最佳電影，好開心，我覺得香港長遠落去，唔淨係拍本土港產片，一定要走出香港嘅電影。不單止大陸市場，東南亞包括印尼、新加坡、馬來西亞和泰國等都係我哋嘅傳統市場，呢個影展受到東盟國家嘅認同，以前啲片喺東盟地區都好賣座，好似《開心鬼》喺菲律賓和《合家歡》喺泰國都好賣座，覺得香港從事電影嘅人，唔好只係拍本土港產片，一定要諗辦法走出去。」