緋聞男女!林穎彤畀伍富橋掃背摸大髀

2019年12月07日 21:32
東網電視
更多新聞短片
林穎彤同伍富橋表演拉丁舞。
緋聞男女林穎彤和伍富橋於《善心滿東華2019)中表演跳拉丁舞,林穎彤晒大露背舞衣,埋身時畀伍富橋掃背又摸大髀,表現親密。問二人練習多久?他們說:「由知道要表演至今練咗十日!」開跳舞學校的伍富橋曾為拉丁舞前港隊,他說:「開心將自己舞藝喺今晚演出!」而林穎彤在中三時有表演過,年少時有習舞的她坦言好耐冇跳而很緊張,不過,二人卻表現合拍,原來二人經常練習,伍富橋說:「我哋跳舞學校嘅老師都有幫我哋排,又日日練,老師教林穎彤,都讚佢十幾年冇練,都跳得好好!」
由於二人為緋聞男女,問可有因練舞而加鐘多見幾面?他們說:「冇力啦!其實都好吃力!」而伍富橋說:「我哋隻舞跳得有血有汗,因為當中有個高難度動作,上次訓練時父母有嚟睇,我即刻爆發小宇宙,落低咗而拉傷!」問林穎彤可有為對方按摩?她說:「冇!送鎮痛膠布畀佢貼。(一齊用?)唔夠貼,我大髀粗!(動作親密會尷尬?)冇,大家都學舞都知舞步,大家又熟唔介意。(感情再進一步?)有呀!都想合作多啲!」