姚子羚自爆第一次裸曬:因為個Pat Pat好白

2019年12月07日 22:53
東網電視
更多新聞短片
姚子羚同黃智雯擔任表演嘉賓。
藝人姚子羚與黃智雯(Mandy)為《善心滿東華2019》擔任表演嘉賓,子羚早前與一班「胡說八道會」的好姊妹去馬爾代夫旅行,並曬黑不少,子羚謂之前已不停被陳山聰取笑:「我未返香港,佢已經話姐姐返嚟要洗碗同洗衫,佢話我嘅膚色似(傭人)姐姐,不過都幾特別,我從來冇試過。」子羚自爆在馬爾代夫試過人生第一次裸曬:「曬後面,因為個Pat Pat好白,唔想有泳衣痕,我同胡定欣同房,佢冇曬,佢坐喺度。(曬得成唔成功?)唔成功,我曬唔夠一分鐘就起身,因為覺得好尷尬,我個Villa係對住個海,好多人喺出面潛水,後來我一返入房,就見到有個外國人經過,好在佢冇見到。」至於Mandy就表示曾試過裸曬,又自稱以前膚色黝黑,覺得很有型。
「胡說八道會」成員之一的Mandy,因要拍攝《使徒行者3》而未能同行,她開玩笑說羨慕到要匿埋屋企喊:「佢哋每日都傳相畀我睇,真係勁靚,有啲相佢哋冇放上網,留番畀我呢啲好姊妹睇。佢曬黑咗幾性感。佢哋個個身材都咁正,當然要留倩影,睇到令我刮目相看,啲相冇底線。」