陳小春着避彈衣開騷？錢嘉樂蛇咬都唔信

藝人錢嘉樂出席無綫慈善節目《善心滿東華2019》，他透露聖誕節要排舞台劇，應未能有長假期與家人外遊，預計只有一、兩天假期，屆時將留港消費，他說：「之前有幾日假期，太太原本想去泰國，但最終我同兩個女去咗主題樂園，唔使逼，玩得好開心，返出嚟我仲去埋曬燈添，之後返屋企交人，神不知鬼不覺。」

談到有指老友陳小春於台灣開個唱要穿避彈衣上台，太太及仔仔還有保鏢貼身保護，家樂表示不知情，更說：「小春講嘢唔好信，真係？佢冇講，報喜不報憂，我哋仲喺群組講Good Show添！不過作為朋友都擔心，希望佢平安，我套戲仲要開續集，要5個人一齊再做嘢。（會唔會慰問小春？）完騷會問佢安唔安全。（叫佢以後低調啲？）咁大個人識選擇，做朋友好大自由度嘅。」