性感又如何？JW話男友都控制唔到佢

歌手JW（王灝兒）為《善心滿東華2019》表演，提到她早前拍了一輯性感相露事業線，JW解釋只是覺得正好有機會，而且是健康形式，可以一試，問她是否不介意性感？她說：「我好少，唔多會咁做，唔係介意，而係冇必要唔會攞出嚟。（男友對輯相有咩意見？）佢有喺我個IG留言，話我係一匹唔可以控制到嘅野馬。我唔會成日性感，只係嗰批相比較性感。（可以再性感啲？）盡咗。我影相嘅時候時不時都會講唔好，又會將條底線拉番上啲。我唔想露太多，健健康康OK。我唔係走呢個（性感）路線，我係唱歌路線。」另外，JW透露將推出聖誕歌，她之前一直擔心趕不及聖誕前推出，這是她首支屬於自己的聖誕原創歌曲。