咁都得？Baby撞期冇现身　P图当行红地毡

女星Angelababy原定寻日出席假北京举行嘅时尚活动，但因为工作撞期而未能出席，但Baby竟然离奇现身活动，仲喺Backdrop前影靓相！原来Baby以表心意，特意影咗辑靓相畀大会，而大会就将Baby P图成恍如现身红地毡一样，Baby工作室留言：“由于行程冲突未能亲临盛典现场，BOSS Angelababy远程‘盛装出席’聊表心意，风格先锋，时代新生。”

不过，“隔空”出席活动引来唔少网民争议，留言“服了，拍戏也P，这也P”、“真的用心”、“电视剧都可以P，何况这个都是小事”，亦有粉丝心痛Baby工作档期太紧密，叮嘱要小心身体、唔好操劳过度。

Baby唔系第一次利用伟大嘅P图技术，2017年与锺汉良合作内地剧集《孤芳不自赏》，由于同场拍摄时间唔够，只好用替身上阵，后期制作P番Baby上去。