產後膀胱無力致尿頻?湯唯委屈當眾落淚

2019年12月08日 13:05
東網電視
更多新聞短片
湯唯難得接拍新片,點知就畀男拍檔咁講…
內地女星湯唯2016年為韓國導演老公金泰勇生咗個可愛囡囡,之後佢都鮮有接拍新戲,早前佢就獲大陸當紅小生雷佳音親自出手邀請拍新片《吹哨人》,二人早排趁去金雞獎時就一齊做直播訪問宣傳新片,點知咁都會出事!
直播時,主持人就問到二人頂唔順對方啲咩嘢?雷佳音就半開玩笑嘅語氣透露湯唯喺拍攝一場哭戲時頻頻去廁所,搞到佢情緒無法連貫難以入戲,變相大爆湯唯有膀胱困擾,但因直播訪問無法剪輯,雷佳音忽然爆料,讓湯唯措手不及,而湯唯聽完之後,即時難過淚灑當場,更一度要行開緩和情緒先可以繼續訪問,令場面十分尷尬,睇到大批網友痛批佢不尊重女性!而雷佳音都似未察覺自己講錯嘢,繼續講:「我說錯了嗎?不至於吧,真的…」
唔少網友就揣測湯唯會否都係因生育後膀胱無力致尿頻,之後亦有湯唯粉絲幫忙解釋指偶像係因為身體因素,需要食大量抗生素先會搞到成日去廁所。事後湯唯接受訪問,坦言很自責,因為雷佳音一直冇提佢呢個問題:「特別自責,他沒有問題,他肯定明白,大家都是演員,他知道我是很用心的演員,我不是偷懶或故意,他都是明白的。」