為慈善大犧牲 袁鎮業單輪車跳繩撞傷蛋

2019年12月09日 05:47
東網電視
更多新聞短片
男人最痛!
無綫藝人袁鎮業(Kelvin)為慈善節目《善心滿東華2019》的「善款滾滾層層疊」環節豁出去,甚至犧牲「下半身」幸福,挑戰單輪車跳繩!男士玩單輪車特別痛苦,因為練習期間「蛋蛋」會不停被撞擊,認真「苦過DeeDee」,不過Kelvin表示為慈善不介意犧牲,而最終他騎着單輪車跳大繩,難度甚高,練習時成功跳到十幾下,非常厲害!表演當晚他更High爆加上轉圈動作,導師楊盼盼也大讚,並說:「要好興奮先做到呢樣嘢!」
Kelvin說:「我哋得12晚去練習操控單輪車同做出各種動作,事前我哋都唔識玩單輪車,但男仔玩單輪車真係要放棄下半身,試過好多次撞到超級痛,甚至生水泡,返到屋企要捽藥去瘀,去到直播當晚好緊張,最終我成功表演,仲加咗轉圈動作,現場氣氛好好,觀眾同總理都不停為我哋打氣,我覺得呢件事好熱血,我哋唔同年資嘅藝人同心協力去完成善舉,好值得紀念!」