On仔裸體谷歌 Jase露毛對撼

2019年12月09日 17:02
東網電視
更多新聞短片
揀邊個先?
組合C AllStar成員Jase(何建曦)今日上電台宣傳Solo新歌《Bounce Back》,講到他成為第三位單飛出歌的隊員,他笑言:「終於輪到我!首歌係謊言,係我作曲,諗番已經係2016年1月17日就寫好,當時收到消息話想同我出Solo碟,但直到休團後,就忙出飲食書、人性書、愛情小說。」
原本由第一個出Solo歌變第三個,問到當睇見釗峰、On仔(陳健安)推出作品,可有心急?Jase指急不來:「知道出咗隻專輯要花好耐嘅時間,又冇理由催人,慢工出細貨嘛,我都好欣賞佢哋兩個隻碟,對細緻位嘅着緊度好高,好慶幸自己後出可以借鑒,有同佢哋交流吓點製作,Solo碟得自己着手去造,今次都學到好多嘢。」提到On仔新碟有赤裸上身照,問到Jase準備了甚麼超越?他大笑話:「呢啲要睇天分,我冇乜天分,佢有運動員底,我可以露咩?(你會露咩?)有嘢叻過佢,佢冇鬚,但我有!」續指希望Solo碟可於明年夏天時面世。