試盡減肥偏方!尹蓁晞由中碼變到加細碼

2019年12月09日 22:52
東網電視
更多新聞短片
Yumi望落瘦咗好多!
藝人尹蓁晞(Yumi)與形象指導許嘉浩(Karl)出席投資移民活動,Karl表示一直有退休後移民到澳洲的計劃,因有親友在當地,而且他曾在當地讀暑期班,至於Yumi就想過退休後移民台灣:「我喺台灣生活過,溝通都冇問題,對當地環境好熟悉。」Karl又指稍後會到葡萄牙視察:「我之前未去過葡萄牙,但我啱啱喺澳門開咗間公關公司,經常要去澳門,澳門都好有葡萄牙特色。」
每日戴馬甲束腰八個鐘
現場所見,Yumi比之前消瘦不少,她自言很努力減肥:「我試好多偏方,例如16個鐘唔食嘢,又飲蘋果醋減肥,我每日都會戴住馬甲束腰八個鐘,我由中碼馬甲着到加細碼,不過磅數就只係輕咗好少,因為我做運動,由脂肪變咗肌肉。(目標係減幾多?)冇目標,想變番以前嘅狀態。我要健康減肥,唔要節食減肥。」談到感情生活,Yumi稱未有拍拖:「我唔想諗呢啲,想做好自己先。」至於聖誕,她會留港度過,Karl就會到澳門工作順道與家人慶祝。