同余德丞係朋友!蔡思貝自爆同胡鴻鈞關係

2019年12月10日 15:24
東網電視
更多新聞短片
蔡思貝澄清同余德丞、胡鴻鈞都係朋友。
藝人蔡思貝到將軍澳電視城出席新劇《踩過界II》造型,最近被爆跟歌手胡鴻鈞拍拖,她再澄清兩人只是好朋友,問到是否了解中?她說:「係成班朋友一齊玩。(點解會熟咗?)前兩年我有跳佢首歌《到此一遊》嘅舞蹈版,又有一齊玩《降魔的》遊戲節目,其實幾年前拍《衝線》已經合作過。(覺得佢點樣?)唱歌好好聽。」問到是否有發展機會?她避而不談,只表示近月都要忙拍劇及拍外景,講到胡鴻鈞曾一度衝口而出「認愛」,思貝再表示兩人只是好朋友,問到若果拍拖是否會承認?她說:「我有咩會喺社交平台度講。(公司唔畀拍拖?)唔係,真係只係好朋友。(咁另一個緋聞男友余德丞係咪降呢?)佢都係好朋友同埋好拍檔。」
提到這次她於《踩》劇演角色仍是上集的「癲姐」,但見她沒有了假哨牙:「其實仲有棚牙,但今日唔想嚇親大家,不過戲入面都會有啲改變。(獻醜定變靚?)我覺得係變靚咗,但其實我係想全程都咁醜,係一種特色。今次職業上都有唔同,上次我係師爺,今次升呢做咗大律師,對白有七頁紙,我都好期待,未試過做專業人士講咁多對白。(有冇做功課?)依家夜晚有睇重播嘅《律政新人王》,但因為仲拍緊《使徒行者3》,拍完先會全力準備呢套劇。」