咀戲色誘王浩信！張曦雯角色似足上輯李佳芯

藝人張曦雯（Kelly） 到將軍澳電視城出席新劇《踩過界II》試造型，她表示角色好勝有手段，矢志挑戰「盲俠」王浩信：「我練埋第四感，要贏到佢，愛情上我都有主動追佢。（有冇啲性感造型色誘？）都有㗎！知道有錫戲，但佢就睇唔到，要摸我先得。」問到新加入可有壓力？她表示無論任何劇都有壓力，惟有自己做到最好，講到角色設定跟上輯的李佳芯（Ali）相似，Kelly說：「我都覺得有啲似，點都會有比較，但係一種動力，我都希望做到好似Ali咁好。」