黎美言被誤會有「新男友」

歌手黎美言（Winkie）近年轉營從商開辦拳擊舞蹈學校，目前創業已踏入第三年，她以得獎人身份現身品牌頒獎禮。2019年即將過去，她受訪時回顧這一年：「今年係好感恩嘅一年，因為學校攞多咗獎項，受到市場嘅認同。學校將會擴充加開演藝培訓，希望用我以前女團嘅舞台經驗，分享畀更多年輕人，令熱愛舞台嘅小朋友入行，好似我以前畀星探發掘。」

她又笑說其生意拍檔是她的緋聞男友：「我學校股東之一謝健平先生依家全職幫我手，佢係傳說中背後的男人，大家成日以為佢係我男朋友，但佢真係我好朋友。」至於感情方面，她與「真」男友感情十分穩定，恨嫁恨到出面的她更直言：「希望佢快啲求婚啦！」