零片酬接拍！陳法拉獨立電影揚威美國

藝人陳法拉去年以零片酬接拍了一部獨立短片電影《雁南飛》（Heading South），今日（11日）更在美國獲得第25屆美國導演工會的學生電影大獎，法拉和導演元圓出席頒獎典禮。第一次前往內蒙古拍攝的法拉，知道電影只有很少資金，所以主動提出唔收片酬，即使連美國出發到蒙古的機票也是自資。

陳法拉表示：「能令到我有呢個決定係因為整個團隊來自世界各地，美國、香港、內地嘅人都有，為咗今次電影大家一同齊心合作，即使喺一個好寒冷、不論食同住都好艱辛嘅地方，大家嘅熱情令整個片場都溫暖起來！」法拉亦稱：「整個團隊都係熱愛電影、喜歡演戲嘅人，今次拍攝認識咗好多當地演員，如飾演我繼女嘅小演員，年紀細細已經識策騎；整個拍攝好順利，蒙古包、大草原取景又靚，有日空檔我同其他演員一齊再去大草原影相，拍戲之餘盡情感受大自然嘅氣息。」