與城城千嬅鬥戲　顧定軒感受愛

新演員顧定軒有份參演郭富城、楊千嬅主演的電影《麥路人》，日前他出席《第四屆澳門國際影展》，跟電影團隊重遇，所有拍攝片段都立即湧上心頭，他最開心係自己飾演深仔一角得到觀眾認同，可以帶出另一面比觀眾認識，一改斯文印象。他說：「今次都係我拍完之後第一次睇，所以心情都好緊張，因為對上一次上電影大銀幕已經係一年前嘅《翠絲》，有幾段戲我都有睇到喊，因為依家我哋心靈上實在缺失太多。」

鮑起靜演釋好掛念郭富城的戲分時，令顧定軒看到好想返屋企攬實嫲嫲，他說：「社會好殘酷，我哋要好好珍惜同愛惜我哋身邊嘅人，真係好多謝導演，編劇打造咁好嘅角色，令大家感受到人與人之間好需要愛，守望相助。」他希望大家會多多支持香港電影。」