速遞過台灣慰妻　林利白粥做早餐都好味

藝人林利今年5月與台灣女友Erin拉埋天窗，婚後二人雖分隔兩地，但依然相當恩愛，一有時間就相約見面，繼早前Erin來港搵老公，近日就輪到林利飛到台灣慰妻。林利於社交網上載與老婆一齊歎白粥做早餐嘅照片，並冧爆指有老婆相伴，幾簡單嘅早餐都一樣咁好味：「淡淡的早餐，濃濃情味，這樣就好，不用太多高潮起伏，就沒有太多狂風暴雨，真的這樣就好。」而Erin亦大晒多張兩公婆喺台灣覓食嘅靚相，留言笑指：「這兩天你來了！我又胖了。」