吳浩康崔碧珈極速分手：不配做你男友

歌手吳浩康（Deep）尋日受訪先話要聖誕節同女友夾假慶祝，點知原來兩人情已斷，過唔到聖誕節，真係令人唏噓！36G咪神崔碧珈（Anita）身材樣子都冇得彈，今年4月被爆與36歲吳浩康相戀，但尋晚Anita突然上載一張山丘旁寧靜公路的相片，然後寫道：「從來都把感情看得很重，從來認為兩個人相處要互相包容，而不是要改變對方，如不，離開可能是一個新的開始。 2020年大家一齊加油。」暗示未能互相包容而分手。

而今早Deep亦喺社交網承認與Anita已分手，佢留言話：「感恩和你一起的時間，我會好好珍惜亦有一件非常難忘的記憶，喺呢段時間裡（裏）面，可能我未能夠盡一個好男朋友的本份，因為我放了太多時間於工作而忽略了你，亦自知有不足，而不配為你的男朋友，我相信如果當我能有能力照顧好你之時，男人必需要有事業有能力，希望日後我有能力的時候，可以有緣和你再一起走，照顧好你，我衷心祝福你。」東網記者聯絡上吳浩康，佢透過訊息回覆：「我冇特別嘢回應，多謝關心。」

自Deep發表分手宣言後，Anita今日再發ig story，佢寫道：「扮上進，又講大話」仲tag埋Deep個名，似乎Anita唔接受Deep嘅分手理由。