分手耍冧唔收貨　崔碧珈連環狙擊吳浩康

歌手吳浩康（Deep）與36G咪神崔碧珈（Anita）分手，本身二人似是好嚟好去，Deep於社交網自言放太多時間於工作而忽略對方，自知不足，更高呼：「不配為你的男朋友！」耍冧認錯兼望他日能有緣再一起走，點知言猶在耳，Anita明顯對分手宣言唔收貨，不斷留言喪鬧，直指對方「扮上進」、「大話精」，又表示二人分手唔關工作或能力問題，更自爆二人已同居一年。

東網記者聯絡到崔碧珈，她回覆指：「唔係因為工作，佢從來冇因為工作上而忽略我，我哋同居咗一年了，時間見面上係冇問題嘅，但因為咩事，私人事情唔多加回應了，多謝大家關心。」