陳凱詠奪勁爆新人獎:原來會反應唔切
20191214
東網電視
更多新聞短片
恭喜晒陳凱詠!
環球新人陳凱詠(Jace)與葉巧琳、釗峰、陳健安、陳逸璇和小塵埃出席電台活動,Jace獻唱新歌《講》,但她笑言好似揀錯歌:「嚟到呢度氣氛好熱鬧,《講》係沉鬱啲,希望唔會悶親大家。」
講到她剛奪得《新城勁爆頒獎禮2019》的「勁爆新人」獎,亦是今年首個獎項,她興奮話:「原來係會反應唔切!真係好開心,今年派嘅3首歌都係自己寫,喺台上面都有多謝班DJ同啲同事,呢個係一個肯定。(點樣報答班同事?)請食飯係唔夠,想自己再叻啲,寫多啲好聽嘅歌,用努力、成績去報答喺好早已經相信我嘅佢哋。」續指此新人獎猶如一枝強心針:「去到年尾派晒歌,心情係好享受,有獎項做鼓勵,畀到動力我向前行。(有信心喺其他頒獎禮攞獎?)信心長期都唔夠,哈哈!視為鼓勵,有就當然好,冇都繼續做好自己本分,依家更有動力寫歌。」
聖誕節將至,她指有假放,正考慮開Party慶祝:「每年都會玩交換禮物,一份好嘅、一份衰嘅。(你準備過啲咩衰禮物?)我嗰啲衰極都有個譜,收過最衰係啲奇怪鎖匙扣,掉又唔係、擺喺度又唔係。」