陳星追思會　洪金寶：好珍惜呢份情誼！

藝人洪金寶出席資深動作演員陳星追思會，專程從北京返港的他，透露於18、9歲時已經識陳星，他說：「最深刻係拍電影《三德和尚與舂米六》，佢做男主角，我就做武指，其實同佢合作好多部戲，喺工作中生活好長時間，雖然近廿年冇見，因為我『紮起』咗，但我第一部戲都係佢撐我。」

對於好友於睡夢中離世，洪金寶表示感愕然：「我哋幾星期前先通過電話，佢仲話身體好好，所以好突然，不過佢舒服因為冇痛苦，但係我個心就唔舒服囉！年紀大就會懷念以前啲朋友同工作夥伴，喺同一空氣生活同生存，雖然唔係成日見，但會掛念同思念，依家啲朋友買少見少，所以好珍惜呢份情誼。」不過由於身體狀況，擔心未能負荷，故不能經常與朋友聚會，但若然能間中見面也會開心。