剛剛見完　羅蘭證關菊英精神好

藝人羅蘭出席活動，她正忙於為無綫劇《逆天奇案》開工，預計都要拍到農曆新年。講到早前她有份出席李司棋、周聰、關菊英等飯局，羅蘭表示是張國強（KK）約大家出來食飯。提到之前傳出關菊瑛骨髓問題健康欠佳，羅蘭則言：「冇喎，嗰日見佢好好，好精神，同司棋同關菊英係好耐冇聚過，見下面，關菊英話佢去完旅行。」可以約一齊旅行？羅蘭謂：「好少，同出面朋友就多啲，去過2次坐遊輪。」可以約胡楓（修哥）？她謂：「佢好忙，日日有飯局，佢同我講食滯咗，嗰日佢去飲，佢就帶咗飯盒嚟載啲食物返去畀工人，唔想浪費，見佢係肥咗有肚腩，件衫要解開肚前兩粒鈕添。」