關菊英好健康　李司棋：新鮮到忍唔住啜啖

藝人李司棋出席活動，同長者分享養生之道，她表示身體機能已經不同以前，要注意腸胃及要睡眠充足，以前飲食上會堅持每日要飲多少杯水，現因經出街食飯，飲水太多不方便而減少。

講到早前她與關菊英飯聚，當年的《溏心風暴》劇集中「大細契」聚頭，提到有傳菊姐身體欠佳？司棋謂：「佢好精神爽利，面圓嘟嘟，我忍唔住啜咗啖，佢可能長時間冇開工，個人好Fresh（新鮮）。」問是否很久沒見面？她稱：「又唔係，都有成日飯。（有冇擔心佢嘅健康？）知道有咁傳聞，喺電話谷入面都有人問佢，佢都話冇事，咁佢話冇事，冇理由話佢有事㗎，你哋可以懷疑，但我哋做朋友就應該信佢嘅。」