Cardi B送50萬美元Cash老公賀生日

2019年12月16日 12:02
東網電視
更多新聞短片
Cardi B送50萬美金老公賀壽。
美國樂壇新紮天后Cardi B去年12月因歌手老公Offset偷食而嬲爆宣布分開,後來佢哋復合。前日係老公28歲生日,Cardi竟然送50萬美元(約390萬港元)畀老公做生日禮物!
Cardi將全程拍低放上網,佢同老公講:「所有人都話你有晒所有車,你有晒所有珠寶首飾...我仲可以送啲咩嘢畀啲有晒所有嘢嘅人?雪櫃。」之後Offset轉身開雪櫃驚見一疊疊共50萬美元嘅現金,Offset即時笑到見牙唔見眼抱住大疊銀紙仲問老婆:「你唔駛送呢啲錢畀我。」Cardi即回答:「我知我冇必要送呢啲錢,但我唔知畀咩你,而我都要畀啲嘢你,你可以用嚟買車、買多啲衫、買珠寶、買多啲名貴手袋。仆X,你可以買你想買嘅嘢。生日快樂,但唔好預我送聖誕禮物畀你,X樣。唔會有聖誕禮物。只畀仔女,我愛你。」
除咗送50萬美元老公,Cardi與老公亦大搞生日P請咗好多脫衣舞孃為老公跳舞。事後Offset亦上載被女圍照片。