眼濕濕道別！林子善唔做冰室老闆全職演戲

藝人林子善除咗演藝事業外，亦有進軍飲食業經營冰室，不過佢今日就叫大家以後喺街見到佢，唔好再嗌佢老闆，而係叫番佢子善，事關佢決定離開冰室，做番全職演員。佢發文：「七年前的一個承諾，令自己成為小老闆；七年後的今日離開，非常完滿感激各位。」

林子善感激同事一直以嚟嘅照顧同幫助，又表示：「照顧老婆囡囡家人，係我未來最大工作，大家一起努力加油???離開前同管理員道別時，擁抱一下叔叔感動落淚，搞到我自己即時眼濕濕，祝大坑嘅街坊身體健康，人與人之間愛係好簡單.............?❤️❤️❤️?」唔少網友都留言送上祝福及表示支持，好友黃祥興就留言：「唔好做老闆，做老竇過癮啲???」睇嚟大家都好期待林子善個女出世呀！