鼻翼生瘡被人暗戀　關智斌冧爆：呢排Dry

藝人關智斌下午到電台接受訪問，但見他戴上眼鏡，原來因左眼爆微絲血管，他更被發現鼻翼生暗瘡，他靦覥謂：「可能呢排好dry，之前又去食麻辣火鍋，咪搞成咁囉。（鼻翼生瘡有暗戀對象喎。）話明暗戀我又點會知呢？」談到舊拍檔張致恒太太再度懷孕，他笑說：「有恭喜佢，戥佢開心，真係勁同叻仔，佢大仔得幾個月大咋。」至於蔡卓妍亦被傳有孕，關智斌表示：「佢之前係腮腺炎，係腫唔係肥，佢已經唔開心喇，應該冇乜可能（有孕），之前同佢慶祝生日仲跳跳紮。」

至於12月30日就迎來39歲生日，他預告會在工作中度過：「嚟緊會去橫店拍戲，古裝嘅，所以無論聖誕、生日同農曆年都冇假放，拍完橫店再飛馬來西亞。（生日願望？）屋企人身體健康，事關父母身體都差咗。」明年他希望再多廣東歌面世，而近日推出新歌《頭頂有角》原本9月演唱會時「出街」，不過最終因問題種種押後：「可能係好事，因為多咗時間準備同宣傳。」