造人計劃開動！鄭伊娜恨生龍鳳胎

藝人鄭伊娜（Ena）出席活動，她表示好鍾意畫畫，小時候最想做漫畫家，加上又有修讀設計，不過最後都選擇入娛圈，而最近她有意重拾畫筆，為慈善畫插圖書：「時間就未知幾時，因為啱啱先喺歐洲返嚟，去咗瑞典、芬蘭。（睇極光？）就係睇唔到呀！其實相機影出嚟都影到少少綠色，但肉眼就睇唔到，有個藉口下次再去，希望再去係帶埋小朋友。」

恨帶小朋友去旅行的Ena，又自爆剛開始造人計劃，最想生龍鳳胎：「爸爸係中醫師，都有叫佢幫手調理，最想生兩個。（有冇問爸爸點先生到龍鳳胎？）佢唔講呀！話知都唔話我聽，想我放鬆心情，愈緊張愈難有，叫我去多啲旅行，老公好聽話，一放假就問我去唔去玩。（聖誕節去旅行囉。）佢安排啦，每到年尾至年頭佢都會破費同頭痕，因為我生日喺1月3號，跟住又新年、情人節。（生鼠B？）都好呀，鼠B好聰明。」