氣質鋼琴王子　涂毓麟唔敢諗同陳奕迅合作

環球新人涂毓麟（Oscar）外號「氣質鋼琴王子」，問到靚仔又識多種樂器的他，視圈中哪位藝人為學習對象？他坦言：「唱方面、表達方面好鍾意Eason（陳奕迅），好識用聲，另一個偶像就係張敬軒，香港好少曲詞編監自己做晒嘅歌手，所以我尊敬兩位。」講到他跟Eason同一間唱片公司，可大機會合作？他即謂：「呢個諗都唔夠膽諗，係前輩級，好有地位嘅人，我哋launch嗰日佢有出現，都有畀鼓勵說話我哋，甚至我錄《Never Mind》時佢都喺隔籬studio，有同我講聲加油，好開心。（見到佢會唔會好緊張？）又唔會，因為佢係好Nice嘅人。」至於軒仔，他就表示入行前食飯撞過對方，有打聲招呼，但入行後就未有機會向對方介紹自己及傾偈。