呂慧儀聖誕帶仔睇拍戲　張景淳送教科書冧蟹籽

緋聞男女呂慧儀和張景淳到將軍澳電視城出席《愛．回家之開心速遞》宣傳活動，兩人一同受訪，呂慧儀表示有落足力邀請陳煒客串《愛》劇：「今次機會難得，好有新鮮感，我哋有好多對手戲，如果我係萬能水，佢就係百變煒哥，同平時好唔同，我角色係有求於佢，佢之後會繼續存在喺我哋集團，隨時可以再出手。」

問如何慶祝聖誕節？呂慧儀、張景淳異口同聲表示要開工，希望屆時可舉行派對慶祝，呂慧儀又笑言未安排節目給兒子「蟹籽」，或許會帶他入電視城睇欣賞自己拍劇：「個仔好喜歡同劇演員，特別係丹爺爺（劉丹）同垃圾清（周梓盈飾演的譚可清）。（佢鍾唔鍾意張景淳？）都啱傾。」問張景淳會送甚麼禮物給蟹籽？呂慧儀即時搶答：「總之唔好送玩具，益智少少。」張景淳表示呂慧儀安排了很多課程給兒子，因此會送教科書配合。