期待薛家燕歸位　譚嘉儀：我叫嘉儀媽媽

歌手譚嘉儀晚上在將軍澳電視城為節目《流行經典50年》擔任主持。又到聖誕……譚嘉儀坦言繼續過Lonely Christmas：「聖誕都係陪屋企人，因為都冇另一半，好lonely，年年都咁lonely，都好多年。」譚嘉儀稱還未遇到合適對象，也不心急拍拖，自己一個人也開心。

講到與譚嘉儀同公司的林穎彤暗示老闆不准拍拖？她笑說：「唔會，佢咁開通，可能想佢專注啲。（驚你哋閃婚生仔？）我就一定會一步一步嚟，唔會閃婚，會尊重公司同公司商量。」

對於薛家燕即將歸位再擔任《流行經典50年》主持，譚嘉儀說：「今日先收到通知，嚟緊會同家燕姐合作，我都識跳十字步㗎，啲小朋友都叫我做嘉儀媽媽，哈哈！」